kyaa mausamon ke TuTte rishton kaa khauf hai — Syed Arif

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

zindagi meri mujhe qaid kiye deti hai
is ko Dar hai main kisi aur kaa ho saktaa huun

— Azm Shakri

agar saae se jal jaane kaa itnaa khauf thaa to phir
sahar hote hi suraj ki nigahbaani mein aa jaate

— Azm Shakri

ye naqli sajde ye dast-bosi ye jhuTi 'izzat tumhein mubaarak
ham ek miTTi ke aadmi hain mazaar hone se Dar rahe hain

— Azm Shakri

tujh ko paaein tujhe kho baiThein phir
zindagi ek thi Dar kitne the

— Azra Waheed