un ki dilchaspi hai zaminon mein — Syed Naved Haider Jaffery

hai zaati soch zaruri ye zehn mein rakhnaa
dimaagh khaali ho tab log kaan bharte hain

— Syed Naved Haider Jaffery

us ke ghar se main ho ke aayaa huun
ab kahin jaa ke dil ye sanbhlaa hai

— Syed Naved Haider Jaffery

ye saaraa shahr lagtaa hai savaali ho gayaa hai
qanaa'at kaa khazaana bhi to khaali ho gayaa hai

— Syed Naved Haider Jaffery

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal