phir aaj bhuuk hamaaraa shikaar kar legi — Tariq Qamar

jaise mumkin ho in ashkon ko bachaao 'taariq'
shaam aai to charaaghon ki zarurat hogi

— Tariq Qamar

is lahje se baat nahin ban paaegi
talvaaron se kaise kaanTe nikleinge

— Tariq Qamar

koi shikva na shikaayat na vazaahat koi
mez se bas miri tasvir haTaa di us ne

— Tariq Qamar

mizaaj apnaa milaa hi nahin zamaane se
na main huaa kabhi is kaa na ye zamaana miraa

— Tariq Qamar

abhi baaqi hai bichhaDnaa us se
naa-mukammal ye kahaani hai abhi

— Tariq Qamar

saath hone ke yaqin mein bhi mire saath ho tum
aur na hone ke bhi imkaan mein rakkhaa hai tumhein

— Tariq Qamar

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

— Aziz Nabeel

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood