sabhi zakhmon ke Taanke khul gae hain — Tufail Chaturvedi

ye bipharti mauj andeshe samundar aur main
Dubti saansein hatheli par miraa sar aur main

— Tufail Chaturvedi

nafraton kaa aks bhi paDne na denaa zehan par
ye andheraa jaane kitnon kaa ujaalaa khaa gayaa

— Tufail Chaturvedi

safar anjaam tak pahunche to kaise
main apne raaste mein khud khaDaa huun

— Tufail Chaturvedi

ham buzurgon ki rivaayat se juDe hain bhaai
nekiyaan kar ke kabhi phal nahin maangaa karte

— Tufail Chaturvedi

har taraf phailaa huaa be-samt be-manzil safar
bhiiD mein rahnaa magar khud ko akelaa dekhnaa

— Tufail Chaturvedi

vo mausamon par uchhaaltaa hai savaal kitne
kabhi to yuun ho ki aasmaan se javaab barse

— Tufail Chaturvedi

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

— Bekhud Dehlvi

nahin nahin main bahut khush rahaa huun tere baghair
yaqin kar ki ye haalat abhi abhi hui hai

— Irfan Sattar

kaun si aisi kami mere khad-o-khaal mein hai
aaina khush nahin hotaa kabhi mil kar mujh se

— Afzal Gauhar Rao

sitam to ye hai ki vo bhi na ban sakaa apnaa
qubul ham ne kiye jis ke gham khushi ki tarah

— Qateel Shifai

aaina to 'aibon ki khabar detaa hai 'aasif'
khush-fahmi-e-insaan kaa magar koi kare kyaa

— Akhtar Asif