main vaqt ke kohraam mein kho jaaun to kyaa gham — Yusuf Azmi

palkein hain ki sargoshi mein khushbu kaa safar hai
aankhon ki khamoshi hai ki aavaaz kaa chehra

— Yusuf Azmi

paani ki maujon pe likkhi hai lamhon ki be-ruh kahaani
kyaa paayaa hai kyaa khoyaa hai main sadiyon se khoj rahaa huun

— Yusuf Azmi

simTe rahe to dard ki tanhaaiyaan milin
jab khul gae to dahr ki rusvaaiyaan milin

— Yusuf Azmi

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

intihaa ke qarib hai duniyaa
aadmi aakhiri sadi kaa huun

— Zubair Khayali