shaamil na hote husn ke jalve agar 'kamaal' — Zahida Kamal

jab tak tumhaaraa husn numaayaan na ho sakaa
raushan charaagh-e-aalam-e-imkaan na ho sakaa

— Zahida Kamal

kahnaa paDaa unhin ko masihaa-e-vaqt bhi
jin se hamaare dard kaa darmaan na ho sakaa

— Zahida Kamal

afsaana-e-hayaat bani phuul ban gai
jab muskuraai koi kali iztiraab mein

— Zahida Kamal

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

ji DhunDtaa hai phir vahi fursat ki raat din
baiThe rahein tasavvur-e-jaanaan kiye hue

— Mirza Ghalib

baat vo aadhi raat ki raat vo puure chaand ki
chaand bhi ain chait kaa us pe tiraa jamaal bhi

— Parveen Shakir

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi