khiDki ke raste se laayaa kartaa huun — Zeeshan Sahil

aayaa thaa mere paas vo kuchh der ke liye
suraj magar gahan mein bahut der tak rahaa

— Zeeshan Sahil

main zindagi ke sabhi gham bhulaae baiThaa huun
tumhaare ishq se kitni mujhe sahulat hai

— Zeeshan Sahil

bas ek rang hai dil mein kisi ke hone se
ab apne-aap ko is se bhi saada kyaa karnaa

— Zeeshan Sahil

havaa bahaar ki aaegi aur main chumungaa
vo saare phuul ki jin mein tiri shabaahat hai

— Zeeshan Sahil

kis qadar mahdud kar detaa hai gham insaan ko
khatm kar detaa hai har ummid har imkaan ko

— Zeeshan Sahil

guzar gai hai magar roz yaad aati hai
vo ek shaam jise bhulne ki hasrat hai

— Zeeshan Sahil