abhi gunah ka mausam hai aa shabab men aa — Abdullah Kamal

bas ik khana-badoshi hai ki ab tak saath hai apne
ta.ayyush hai tasavvur men bhi ab koi makan rakhna

— Abdullah Kamal

main tujh ko jagti ankhon se chhu sakun na kabhi
miri ana ka bharam rakh le mere khvab men aa

— Abdullah Kamal

vo qayamat thi ki reza reza ho ke uD gaya
ai zamin varna kabhi ik asman mera bhi tha

— Abdullah Kamal

chamak de chand ko ThanDak hava ko dil ko umang
udaas qisse ko phir ek shahzada de

— Abdullah Kamal

apne vajud se pare ab
koi bhi rasta nahin hai

— Abdullah Kamal

tum to ai khushbu havao us se mil kar aa ga.iin
ek ham the zakhm-e-tanha.i hara karte rahe

— Abdullah Kamal