jab bhi aata hai vo mere dhyan men — Jazib Quraishi

chand ka daagh miTa.enge ham
teri tasvir bana.enge ham

— Jazib Quraishi

daftar ki thakan oDh ke tum jis se mile ho
us shakhs ke taaza lab-o-rukhsar to dekho

— Jazib Quraishi

teri khushbu pyaar ke lahje men bole to sahi
dil ki har dhaDkan ko ik chehra naya mil ja.ega

— Jazib Quraishi

kuchh mere dhaDakte hue dil ne bhi pukara
kuchh aap ko bazar men dhoka bhi hua hai

— Jazib Quraishi

sunahri dhuup ka TukDa huun lekin
tire saa.e men chalna chahta huun

— Jazib Quraishi

dekh le zara aa kar ansuon ke a.ine
main saja ke palkon par tera pyaar laaya huun

— Jazib Quraishi