ishq ne paida kiya hai ek dil — Maslihuddin Ahmad Aseer Kakorvi

ruuh ki gahra.iyon men Duub kar dekha karo
ek dhoka hai nazar ka ye sarasar samne

— Maslihuddin Ahmad Aseer Kakorvi

film ki gardish se tasviren badalti hi rahin
umr-e-rafta ka na aaya phir vo manzar samne

— Maslihuddin Ahmad Aseer Kakorvi

ruuh hai mahv-e-tamanna husn hai mast-e-tarab
ik niyaz-o-naz ka barpa hai mahshar samne

— Maslihuddin Ahmad Aseer Kakorvi

ada-e-husn ne bakhshi hai taqat-e-parvaz
hava-e-shauq men uDta huun bal-o-par na sahi

— Maslihuddin Ahmad Aseer Kakorvi

dil ki hai sarmaya-dar-e-izzat o namus-e-husn
hai yahi markaz yahi hai da.era mere liye

— Maslihuddin Ahmad Aseer Kakorvi

DhunDne vaalo zara zauq-e-nazar bhi chahiye
varna lakhon hi zamin-o-asman dekha kiye

— Maslihuddin Ahmad Aseer Kakorvi