'qa.em' hayat-o-marg-e-buz-o-gav men hain naf.a — Qayem Chaandpuri

raunaq-e-bada-parasti thi hamin tak jab se
ham ne ki tauba kahin nam-e-kharabat nahin

— Qayem Chaandpuri

ham divanon ko bas hai poshish se
daman-e-dasht o chadar-e-mahtab

— Qayem Chaandpuri

har taraf zarf-e-vazu bharte hain zahid hui sub.h
saath uTh ham bhi surahi men mai-e-nab karen

— Qayem Chaandpuri

ba.ad khat aane ke us se tha vafa ka ehtimal
lek vaan tak umr ne apni vafadari na ki

— Qayem Chaandpuri

kucha tira nashe ki ye shiddat jahan se laag
allah hi nibahe miyan aaj ghar talak

— Qayem Chaandpuri

hathon se dil o diida ke aaya huun nipaT tang
ankhon ko ro.uun ya main karun sarzanish-e-dil

— Qayem Chaandpuri