kuchh mah-jabin libas ke fashion ki dauD men — Sarfaraz Shahid

scent ki kajle ki aur ghaze ki gul-kari ke ba.ad
vo hasin lagti hai lekin kitni tayyari ke ba.ad

— Sarfaraz Shahid

faqat rang hi un ka kaala nahin hai
isi qism ki khubiyan aur bhi hain

— Sarfaraz Shahid

surur-e-jan-faza deti hai aghosh-e-vatan sab ko
ki jaise bhi hon bachche maan ko pyare ek jaise hain

— Sarfaraz Shahid

na khincho abhi haath khane se 'shahid'
polav men kuchh boTiyan aur bhi hain

— Sarfaraz Shahid

iid par masrur hain donon miyan biivi bahut
ik kharidari se pahle ik kharidari ke ba.ad

— Sarfaraz Shahid

'shahid'-sahib kahlate hain mister bhi maulana bhi
hazrat do kirdaron vaale hera-pheri karte hain

— Sarfaraz Shahid