उरग, तुरंग, नारी, नृपति, नीच जाति, हथियार — Rahim

अनुचित उचित रहीम लघु, क‍रहिं बड़ेन के जोर
ज्‍यों ससि के संजोग तें, पचवत आगि चकोर

आवत काज रहीम कहि, गाढ़े बंधु सनेह
जीरन होत न पेड़ ज्‍यौं, थामे बरै बरेह

अमर बेलि बिनु मूल की, प्रतिपालत है ताहि
रहिमन ऐसे प्रभुहिं तजि, खोजत फिरिए काहि

अब रहीम चुप करि रहउ, समुझि दिनन कर फेर
जब दिन नीके आइ हैं बनत न लगि है देर

अधम वचन काको फल्‍यो, बैठि ताड़ की छाँह
रहिमन काम न आय है, ये नीरस जग माँह

आप न काहू काम के, डार पात फल फूल
औरन को रोकत फिरैं, रहिमन पेड़ बबूल

दुख में सुमरिन सब करे, सुख में करे न कोय ।
जो सुख में सुमरिन करे, दुख काहे को होय

तिनका कबहुँ न निंदिये, जो पाँयन तर होय ।
कबहुँ उड़ आँखिन परे, पीर घनेरी होय

फूटी आँख विवेक की, लखे ना सन्त असन्त ।
जाके संग दस-बीस हैं, ताको नाम महन्त

हरि संगत शीतल भया, मिटी मोह की ताप ।
निशिवासर सुख निधि, लहा अन्न प्रगटा आप

दाया कौन पर कीजिये, का पर निर्दय होय ।
सांई के सब जीव है, कीरी कुंजर दोय

साँई आगे साँच है, साँई साँच सुहाय ।
चाहे बोले केस रख, चाहे घौंट भुण्डाय