dil ke māmūre kī mat kar fikr fursat chāhiye — Shayari Of Meer Taqi Meer

"ham ne jaanā thā suḳhan hoñge zabāñ par kitne par qalam haath jo aa.ī likhe daftar kitne maiñ ne is us sannā' se sar khīñchā hai ki har ik kūche meñ jis ke the hunar-var kitne kishvar-e-ishq ko ābād na dekhā ham ne har galī-kūche meñ uujaḌ paḌe the ghar kitne aah niklī hai ye kis kī havas sair-e-bahār aate haiñ baaġh meñ āvāra hue par kitne dekhiyo panja-e-mizhgāñ kī Tak ātish-dastī har sahar ḳhaak meñ milte haiñ dar-e-tar kitne kab talak ye dil-e-sad-pāra nazar meñ rakhiye us par āñkheñ hī siye rahte haiñ dilbar kitne 'umr guzrī ki nahīñ do aadam se koī jis taraf dekhiye 'arse meñ haiñ ab ḳhar kitne tū hai bechāra gadā 'mīr' tirā kyā mazkūr mil ga.e ḳhaak meñ yaañ sāhab-e-afsar kitne"

"ġhair ne ham ko zab.h kiyā nai tāqat hai nai yaarā hai is kutte ne kar ke dilerī said-e-haram ko maarā hai baaġh ko tujh bin apne bhā.eñ ātish dī hai bahārāñ ne har ġhuncha aḳhgar hai ham ko har gul ek añgārā hai jab tujh bin lagtā hai taḌapne jaa.e hai niklā hāthoñ se hai jo girah siine meñ us ko dil kahiye yā paara hai rāh-e-hadīs jo Tak bhī nikle kaun sikhā.e ham ko phir rū-e-suḳhan par kis ko de vo shoḳh baḌā ayyāra hai kaam us kā hai ḳhūñ-afshānī har-dam terī furqat meñ chashm ko merī aa kar dekh ab lohū kā favvāra hai baal khule vo shab ko shāyad bistar naaz pe sotā thā aa.ī nasīm-e-sub.h jo īdhar phailā 'ambar saarā hai kis din dāman khīñch ke un ne yaar se apnā kaam liyā muddat guzrī dekhte ham ko 'mīr' bhī ik nākāra hai"

"kyā tarah hai āshnā gāhe-gahe nā-āshnā yā to begāne hī rahiye hojiye yā āshnā pā.emāl-e-sad-jafā nā-haq na ho ai andalīb sabza-e-begāna bhī thā is chaman kā āshnā kaun se ye bahr-e-ḳhūbī kī pareshāñ zulf hai aatī hai āñkhoñ meñ merī mauj dariyā-āshnā ronā hī aatā hai ham ko dil huā jab se judā jaa.e rone hī kī hai jaave jab aisā āshnā nā-samajh hai to jo merī qadr na.iiñ kartā ki shoḳh kam bahut miltā hai phir dil-ḳhvāh itnā āshnā bulbuleñ pā.īz meñ kahtī thiiñ hotā kāshke yak mizha rang farārī is chaman kā āshnā ko gul-o-lāla kahāñ sumbul saman ham-nastaran ḳhaak se yaksāñ hue haiñ haa.e kyā kyā āshnā kyā karūñ kis se kahūñ itnā hī begāna hai yaar saare 'ālam meñ nahīñ paate kisī kā āshnā jis se maiñ chāhī visātat un ne ye mujh se kahā ham to kahte gar miyāñ ham se vo hotā āshnā yuuñ sunā jā hai ki kartā hai safar kā azm-jazm saath ab begāna vaz.aoñ ke hamārā āshnā she'r 'sā.ib' kā munāsib hai hamārī or se sāmne us ke paḌhe gar ye koī jā āshnā tā-ba-jāñ mā ham-rahīm va tā-ba-manzil dīgarāñ farq bāshad jān-e-mā az-āshnā tā-āshnā daaġh hai tābāñ alaihir-rahma kā chhātī pe 'mīr' ho najāt us ko bechāra ham se bhī thā āshnā"

"betābiyoñ meñ tang ham aa.e haiñ jaan se vaqt-e-shakeb ḳhush ki gayā darmiyān se dāġh-e-farāq-o-hasrat-e-vasl ārzū-e-dīd kyā kyā liye ga.e tire 'āshiq jahān se ham hāmushoñ kā zikr thā shab us kī bazm meñ niklā na harf-e-ḳhair kisū kī zabān se āb-e-ḳhizar se bhī na ga.ī sozish-e-jigar kyā jāniye ye aag hai kis dūdmān se juz 'ishq jañg-e-dahr se mat paḌh ki ḳhush haiñ ham us qisse kī kitāb meñ us dāstān se aane kā is chaman meñ sabab bekalī huī juuñ barq ham taḌap ke gire āshiyān se ab chheḌ ye rakkhī hai ki 'āshiq hai to kaheñ al-qissa ḳhush guzartī hai us bad-gumān se kiine kī mere tujh se na chāhegā koī daad maiñ kah marūñgā apne har ik mehrbān se dāġhoñ se hai chaman jigar-e-'mīr' dahr meñ un ne bhī gul chune bahut us gulsitān se"

"misāl-e-sāya mohabbat meñ jaal apnā huuñ tumhāre saath giraftār-e-hāl apnā huuñ sarishk-e-surḳh ko jaatā huuñ jo piye har-dam lahū kā pyāsā alal-ittisāl apnā huuñ agarche nashsha huuñ sab meñ ḳhum-e-jahāñ meñ lek ba-rañg-e-mai araq-e-infi.āl apnā huuñ mirī numūd ne mujh ko kiyā barābar ḳhaak maiñ naqsh-e-pā kī tarah pā.emāl apnā huuñ huī hai zindagī dushvār mushkil āsāñ kar phirūñ chalūñ to huuñ par maiñ vabāl apnā huuñ tirā hai vahm ki ye nā-tavāñ hai jaame meñ vagarna maiñ nahīñ ab ik ḳhayāl apnā huuñ balā huī hai mirī go kā tab-e-raushan 'mīr' huuñ āftāb va-lekin zavāl apnā huuñ"

"kyā bulbul asiir hai be-bāl-o-par ki ham gul kab rakhe hai TukḌe jigar is qadar ki ham ḳhurshīd sub.h nikle hai is nuur se ki to shabnam girah meñ rakhtī hai ye chashm-e-tar ki ham jiite haiñ to dikhā deñge dāva-e-andalīb gul bin ḳhizāñ meñ ab ke vo rahtī hai mar ki ham ye teġh hai ye tasht hai ye ham haiñ kushtanī khele hai kaun aisī tarah jaan par ki ham talvāreñ tum lagāte ho ham haiñge dam-ba-ḳhud duniyā meñ ye kare hai koī darguzar ki ham is justujū meñ aur ḳharābī to kyā kaheñ itnī nahīñ huī hai sabā dar-ba-dar ki ham jab jā phañsā kahīñ to hameñ yaañ huī ḳhabar rakhtā hai kaun dil tirī itnī ḳhabar ki ham jiite haiñ aur rote haiñ laḳht-e-jigar hai 'mīr' karte sunā hai yuuñ koī qiima jigar ki ham"