nahīñ akbar yahāñ mujh sher kī ḳhvāhāñ bayānī se — All Writings Of Abaan Asif Kachkar

"pā-ba-pā aamad kareñ sab ābla-pā ham nahīñ ab ki vo hamrāh hogā jab ki vo hamdam nahīñ ġhār-e-shab meñ ik tamāshā ik jadal barpā huā kam ziyāda thī nazar to thī ziyāda kam nahīñ sargirāñ khā kar vo meva be-ijāzat ḳhuld se be-zarar iblīs hogā be-zarar aadam nahīñ sarparastī kā muhājir kā.enāt o kul dahr saarā saarā din machāyā par machā ūdham nahīñ sab mulavvis ro rahe ham jā rahe haiñ jaan se kuchh tumhārā ġham to hogā kuchh hamārā ġham nahīñ sun to lo ġhazleñ 'abāñ' kī daur-e-'ālam kam paḌho vo suḳhan-āzād har-sū jo suḳhan-‘ālam nahīñ"

"'ālam-e-ḳharābī kā tark-e-mudda’ā huuñ maiñ kis ko hai ḳhabar yaañ ki maiñ jo huuñ to kyā huuñ maiñ maiñ nazāra-e-dīgar soz kā nazāra huuñ dil kī lā-'ilājī ke dard kī davā huuñ maiñ maiñ huuñ halqa-e-āfat jāvedāna-jāñ bhī huuñ kahne aur sunñe ko abr huuñ havā huuñ maiñ mājrā-faroshī hai apne yaañ bahut dekho āḳhirī maiñ kab royā kab talak hañsā huuñ maiñ huzn-e-infisāl-e-man se lahū lahū hai tan ik taraf maiñ baiThā huuñ ik taraf khaḌā huuñ maiñ kār-e-zindagānī meñ tū nihāñ thā lekin thā ab to zindagānī meñ nā to tū hai nā huuñ maiñ kyā 'abān' maujūda mo'jize pe mabnī ho sab ke sab ye kahte haiñ maiñ bahut burā huuñ maiñ"

"phir ḳhayābāñ baad shabnam dekhiye fauran khulā nāsehā to dostī kī vird par dushman khulā hashr tak fir.aun ko miTTī nakāre yaar sun khul gayā khultā nahīñ thā āḳhirash murdan khulā shefta kā ḳhand-e-nīmā āstān-e-ishq par jab khulā.e dil ba-dast-e-dil khulā tan-man khulā e'timādoñ kā tasavvur jhūTe sheve har jagah Tuk chhupī dīvāna-vārī Tuk divāna-pan khulā raftagān-e-be-kasī uftād pā mismār pā misl-e-zindāñ aaj phir is ġhaar se rahzan khulā lī chilam az khīñch kar ḳhadshe se andoh-o-alam muñh jalā pattī jalī shab-tā-sahar īñdhan khulā nāla-e-bairūn se jā kar hamārī chhat khulī haif hai raḳhshandagī tāḳhīr tak rauzan khulā ḳhud 'abān' in se kaho kah do shi.ār-e-ām se shukr maano tum zamāne jis pe apnā fan khulā"

"har ik dīvār har ik dar hamārā mileñ gar ban nahīñ hai ghar hamārā raqābat duur se kariyo hamārī muqarrar sher hai dīgar hamārā jahāñ par jā ke āmāda paḌho ho vahāñ par zikr hai din bhar hamārā shitābī hai nahīñ ham ko suḳhan kī hameñ andāz hai andar hamārā nishāñ apnā na pūchho hai kidhar tak hamārā hai idhar ūdhar hamārā ġhulāmī tum karo apnā zamāñ hai hukm nīche se hai uupar hamārā faqīrī se subukdoshī mile kab adam se qabl hai mahshar hamārā 'abān'-e-dar-ba-dar ye chāk-jebī kisū se jal gayā bistar hamārā"

"ham jaisī jahāñ meñ bhī koī baat kahāñ hai larzish sī hama-vaqt hai ūdham sā ravāñ hai nālān-e-junūñ-zād kisū pas na sunā.ī ik raunaq-e-āfāq meñ guftār-e-fuġhāñ hai hai vo ki jahāñ ḳhuun meñ hai rāz-o-niyāzī vo pīr-e-ḳhirad barg-o-gul-e-bāġh-e-nihāñ hai dā'vā-e-suḳhan der talak hove hamārā maqdūr hai satvat hai ye jaadū kā bayāñ hai har jā ke tilismāna 'adū saath kuḌhe jā is roz zubūñ huuñ jo mire muñh meñ zabāñ hai āshuftagī-e-soz-e-alam se hī to yaaro dil merā jalā kyā ye ki uf kitnā dhuāñ hai paḌh lo jo nazar aave hai bārīk-nigārī behad suḳhan-āmāda hai sāhab ye 'abāñ' hai"

"vo kahāñ mile vo kahīñ mile vo makāñ mile vo makīñ mile tū ki hādsoñ kā gila nahīñ vo jahāñ milā thā vahīñ mile thā shi.ār dil meñ to dam-ba-dam jo milā.e ḳhanda-jabīñ mile vo nahīñ milegā to kyā huā vo galī shahar vo zamīñ mile"