ab ke basant aai to aankhein ujaD gaiin — Bimal Krishn Ashk

tum to kuchh aise bhuul gae ho jaise kabhi vaaqif hi nahin the
aur jo yunhi karnaa thaa saahab kis liye itnaa pyaar kiyaa thaa

dekhne niklaa huun duniyaa ko magar kyaa dekhun
jis taraf aankh uThaaun vahi chehra dekhun

ek duniyaa ne tujhe dekhaa hai lekin main ne
jaise dekhaa hai tujhe vaise na dekhaa hotaa

daaera khinch ke baiThaa huun baDi muddat se
khud se niklun to kisi aur kaa rasta dekhun

ab yahi dukh hai hamin mein thi kami us mein na thi
us ko chaahaa thaa magar apni tarah chaahaa na thaa

paDne lage jo zor havas kaa to kyaa nigaah
har zaaviye se jism nikaltaa dikhaae de