sada kise den 'na.imi' kise dikha.en zakhm — Abdul Hafiz Naeemi

"khaDa hua huun sar-e-rah muntazir kab se ki koi guzre to gham ka ye bojh uThva de"

"mire khulus pe shak ki to koi vaj.h nahin mire libas men khanjar agar chhupa nikla"

"main bhi is safha-e-hasti pe ubhar sakta huun rang to tum miri tasvir men bhar kar dekho"

"sajde ke har nishan pe hai khuun sa jama hua yaaro ye us ke ghar ka kahin rasta na ho"

"mire khvabon ki chikni siDhiyon par na jaane kis ka but TuuTa paDa hai"

"maazi ke reg-zar pe rakhna sambhal ke paanv bachchon ka is men koi gharaunda bana na ho"