is jahan men nahin koi ahl-e-vafa — Fana Bulandshahri

"bijli tire jalvon ki gir jaa.e kabhi mujh par ai jaan miri hasti is aag men jal jaa.e"

"aghaz to achchha tha 'fana' din bhi bhale the phir raas mujhe ishq ka anjam na aaya"

"kya bhuul ga.e hain vo mujhe puchhna qasid naama koi muddat se mire kaam na aaya"

"tamam hosh ki duniya nisar hai us par tiri gali men jise niind aa ga.i hogi"

"na dair men na haram men jabin jhuki hogi tumhare dar pe ada meri bandagi hogi"

"ai 'fana' milta hai ashiq ko baqa ka paigham zindagi jab rah-e-ulfat men fana hoti hai"