jaane kis khvab-e-pareshan ka hai chakkar saara — Kausar Mazhari

"bojh dil par hai nadamat ka to aisa kar lo mere siine se kisi aur bahane lag jaao"

"kaun si duniya men huun kis ki nigahbani men huun zindagi hai sakht mushkil phir bhi asani men huun"

"ta.aqub men hai mere yaad kis ki main kis ko bhuul jaana chahta huun"

"ek muddat se khamoshi ka hai pahra har-su jaane kis or ga.e shor machane vaale"

"chand hai paani men ya bhule hue chehre ka aks sahil-e-dariya pe dekho main bhi hairani men huun"

"nazar jhuk rahi hai khamoshi hai lab par haya hai ada hai ki an-ban hai kya hai"