mire junun pe tumhen e.atibar aa.e na aa.e — Salim Saleem

"kitna mushkil ho gaya huun hijr men us ke so vo mere paas aa.ega aur asan kar dega mujhe"

"hijr ke din to hue khatm baDi dhuum ke saath vasl ki raat hai kyuun marsiya-khvani karen ham"

"kya ho gaya ki baiTh ga.i khaak bhi miri kya baat hai ki apne hi uupar khaDa huun main"

"ye jism utra hua hai mera ki ruuh se khud ko Dhanpna hai koi na aa.e zara yahan par abhi main kapDe badal raha huun"

"ab is chehre pe koi aur chehra kar liya jaa.e tamasha dekhne valon se parda kar liya jaa.e"

"zindagi ne jo kahin ka nahin rakkha mujh ko ab mujhe zid hai ki barbad kiya jaa.e use"