na aa.e samne mere agar nahin aata — Zain

"aap ko khuun ke aansu hi rulana hoga hal-e-dil kahne ko ham apna agar baiTh ga.e"

"tum apni zulf se puchho miri pareshani ki haal us ko hai ma.alum hu-ba-hu mera"

"vo parda-nashini ki ri.ayat hai tumhari ham baat bhi khalvat se nikalne nahin dete"

"furqat men kar-e-vasl liya vaah vaah se har ah-e-dil ke saath ik arman nikal gaya"

"tere kahne se main ab la.un kahan se naseh sabr jab is dil-e-muztar ko khuda ne na diya"

"khoya gham-e-rifaqat dekho kamal apna bahka diya hai sab ko dikhla ke haal apna"