Shayari Of Aagha Akbarabadi

"hamāre sāmne kuchh zikr ġhairoñ kā agar hogā bashar haiñ ham bhī sāhab dekhiye nāhaq kā shar hogā na muḌ kar tū ne dekhā aur na maiñ taḌpā na ḳhanjar na dil hovegā terā sā na merā sā jigar hogā maiñ kuchh majnūñ nahīñ huuñ jo ki sahrā ko chalā jā.ūñ tumhāre dar se sar phoḌūñgā saudā bhī agar hogā chaman meñ laa.ī hogī to sabā-mashshātgī kar ke jo gul se aage lipTā hai kisī bulbul kā par hogā tarī kā bhī vahī mālik hai jo mālik hai ḳhushkī kā madad-gār apnā har mushkil meñ shāh-e-bahr-o-bar hogā tasavvur zulf kā gar chhoḌ duuñ mizhgāñ kā khaTkā hai jo sar ke dard se fursat milī dard-e-jigar hogā tabībo tum abas aa.e maiñ kushta huuñ firañgan kā mirī tadbīr karne ko muqarrar doctor hogā kisī ko koste kyuuñ ho duā apne liye māñgo tumhārā fā.eda kyā hai jo dushman kā zarar hogā mazā aa.egā dīvānoñ kī bātoñ meñ parī-zādo jo 'āġhā' kā kisī din dasht-e-majnūñ meñ guzar hogā"

"mazā hai imtihāñ kā aazmā le jis kā jī chāhe namak zaḳhm-e-jigar par aur Daale jis kā jī chāhe jigar maujūd hai to vo banā le jis kā jī chāhe galā hāzir hai ḳhanjar aazmā le jis kā jī chāhe agar hai husn kā da.avā mah o ḳhurshīd donoñ meñ kaf-e-pā se tumhāre muñh milā le jis kā jī chāhe ye musht-e-ustuḳhvāñ apne kisī ke kaam meñ aa.eñ humā ho yā sag-e-dildār khā le jis kā jī chāhe agar hai zindagī baaqī to ham hasrat nikāleñge dil-e-pur-ārzū par ḳhaak Daale jis kā jī chāhe faqīroñ ko nahīñ kuchh zīnat-e-duniyā se matlab hai maiñ ḳhush kambal meñ huuñ oḌhe doshāle jis kā jī chāhe jo raushan dil meñ un kī raushnī chhuptī nahīñ hargiz mah-e-tābāñ pe sāhab ḳhaak Daale jis kā jī chāhe shikāyat mujh ko donoñ se hai nāseh ho ki vaa.iz ho na samjhā huuñ na samjhūñ sar phirā le jis kā jī chāhe maiñ huuñ barg-e-ḳhizāñ-uftāda maiñ mardūd dahqāñ huuñ girā huuñ un kī nazroñ se uThā le jis kā jī chāhe nahīñ hotā kabhī āb-e-ravāñ par shak najāsat kā mire ashkoñ ke dariyā meñ nahā le jis kā jī chāhe chaman meñ gul ke murjhāne se 'āġhā' ho gayā sābit bisān-e-ġhuncha dam bhar muskurā le jis kā jī chāhe"

"maddāh huuñ maiñ dil se mohammad kī aal kā mushtāq huuñ vasī-e-nabī ke jamāl kā ḳhvāhāñ guhar kā huuñ na maiñ tālib huuñ laal kā mushtāq huuñ tumhāre dahan ke ugaal kā dekho to ek jā pe Thahartī nahīñ nazar lapkā paḌā hai aañkh ko kyā dekh-bhāl kā kyā un se faiz pahuñche jo ḳhud tīra-baḳht haiñ khilte na dekhā ham ne kabhī phuul Dhaal kā ham haiñ faqīr daulat-e-duniyā se kaam kyā behtar hai jām-e-jam se piyāla sifāl kā daana dikhā ke daam meñ 'anqā ko lā.ūñgā mazmūn likh rahā huuñ tire ḳhat-o-ḳhāl kā sau jaan se fidā huuñ mohammad ke naam par jis ne batāyā farq harām o halāl kā vo aañkh bhī uThā ke hameñ dekhte nahīñ rutba pahuñch gayā hai ye ranj-o-malāl kā kis zindagī ke vāste daulat kī aarzū dekho natīja ġhaur se qārūñ ke maal kā iqbāl gar nahīñ hai tū inkār kījiye kuchh dījiye javāb hamāre savāl kā muTThī ko khol kar yad-e-baizā dikhāte haiñ nāḳhun pe un ke hotā hai dhokā hilāl kā shā'ir ġhazab ke hote haiñ hargiz na chūkte mauqa' nahīñ dahan meñ tire qīl-o-qāl kā ai rashk-e-mehr vasl meñ ġhussa hai kis liye ye vaqt merī jaan nahīñ hai jalāl kā tārīkī-e-lahad se kuchh 'āġhā' na ḳhauf kar dāman hai tere haath meñ zahrā ke laal kā"

"but-e-ġhuncha-dahan pe nisār huuñ maiñ nahīñ jhuuT kuchh is meñ ḳhudā kī qasam mirā tā.ir-e-dil isī qaid meñ hai mujhe zulf ke dām-e-balā kī qasam nahīñ bhātā mujhe koī rashk-e-parī koī laakh hasīñ ho balā se mirī mirā dil tirā āshiq-e-shefta hai mujhe tere hī nāz-o-adā kī qasam mire dil ko zarā nahīñ tāb-o-ta.ab ki uThā.ūñ tumhārā ye qahr-o-ġhazab mire qatl meñ der na chāhiye ab tumheñ apne hī jaur-o-jafā kī qasam na to huur hī ko ye milā hai namak na parī hī ke ruḳh meñ hai aisī chamak tire sāmne phīke haiñ shams-o-qamar mujhe tire hī ruḳh kī ziyā kī qasam mujhe itr-e-hinā kī nahīñ hai havā mujhe phūloñ se hotā hai dāġh-e-sivā kabhī nik.hat-e-zulf suñghā de sabā tujhe nāfa-e-mushk-e-ḳhatā kī qasam mire ba.ad sahegā na koī bhī ġham na uThegā kisī se ye rañj-o-alam karo tark tum aaj se zulm-o-sitam tumheñ apnī hī mehr-o-vafā kī qasam kabhī dard se rotā ho 'āġhā' agar to hañsī se ye kahtā hai vo gul-e-tar mirā maan kahā are naala na kar tujhe bulbul-e-naġhma-sarā kī qasam"

"shiddat-e-zāt ne ye haal banāyā apnā jism-e-majnūñ meñ huā tañg shalokā apnā yaar bantā nahīñ vo nuur kā putlā apnā ḳhaak meñ mil gayā tasḳhīr kā da.avā apnā mai-kashoñ meñ na koī mujh sā namāzī hogā dar-e-mai-ḳhāna pe bichhtā hai musallā apnā vasl kī raat bahut tuul huā āḳhir-kār muḳhtasar ye hai ki faisal huā qissa apnā gul khilā kar abhī bulbul ko jalā.ūñ kyā kyā vo ināyat kareñ gar por kā chhallā apnā rabbī-arenī kī sadā ho bhī to but bol uTheñ aap dikhlā.eñ agar dair meñ jalva apnā ā.īna-ḳhāna meñ chal baiThiye do-chār ghaḌī dekhnā hove jo manzūr tamāshā apnā jīte-jī ḳhvesh-o-aqārib the pas-e-marg afsos ḳhaak meñ daab diyā koī na samjhā apnā kisī sayyād kī paḌ jaa.e na chiḌiyā pe nazar aap sarkā.eñ na mahram se dupaTTā apnā aap sau baar ukhaḌ jaa.eñ nahīñ kuchh parvā jam gayā ek parī-zād se naqsha apnā dām-e-mahram meñ phañsāyā hai ḳhudā ḳhair kare āshiyāna na banā baiThe ye chiḌiyā apnā garm-ḳhvābī ne tirī zab.h kiyā ai qātil ek dam bhī na kalejā huā ThanDā apnā riñd-mashrab haiñ kisī se hameñ kuchh kaam nahīñ dair apnā hai na ka.aba na kalīsā apnā hai vahī sar vahī saudā vahī josh-e-vahshat vasl tabdīl huī rañg na badlā apnā un kī zulfoñ ko ye da.avā hai ki ham kaale haiñ ham ne bachte nahīñ dekhā kabhī maarā apnā ġhair se rakhiye na imdād kī ummīd 'āġhā' kaam aatā hai mirī jaan bharosā apnā"

"āñkhoñ pe vo zulf aa rahī hai kaalī jaadū jagā rahī hai zanjīr jo khaḌkhaḌā rahī hai vahshat kyā ġhul machā rahī hai lailā ḳhāka uḌā rahī hai majnūñ ko havā batā rahī hai zulfeñ vo parī hilā rahī hai dīvānoñ kī shāmat aa rahī hai pāmāl-e-ḳhirām ho chuke dafn pisne ko bas ab hinā rahī hai haiñ chaal se un kī zinda dargor murdoñ pe qayāmat aa rahī hai dil ne ulfat se zak uThā.ī āñkhoñ dekhā rulā rahī hai goyā hone de be-zabānī kyuuñ merā galā dabā rahī hai 'āġhā' sāhab galī meñ un kī ik huur tumheñ bulā rahī hai"

"nigāhoñ meñ iqrār saare hue haiñ ham un ke hue vo hamāre hue haiñ jin āñkhoñ meñ aañsū chakāre hue haiñ ham un kī nigāhoñ ke maare hue haiñ na ḳhaTkeñ kaho kis tarah tīr-e-mizhgāñ jigar par hamāre utāre hue haiñ jhaḌe jo tirī kafsh-e-zarrīñ ke zarre falak par vo jā kar sayyāre hue haiñ 'abas jaan detī hai bulbul guloñ par ye us ruḳh ke sadqe utāre hue haiñ kis andāz se band-e-mahram kase haiñ ki joban ko un ke ubhāre hue haiñ yaqīñ hai balā ho koī aaj nāzil vo bāloñ ko apne sañvāre hue haiñ ḳhabar-dār hāthoñ se jaane na paa.eñ ye duzd-e-hinā maal maare hue haiñ kahe detī haiñ saaf āñkheñ tumhārī kisī ġhair se kuchh ishāre hue haiñ maiñ mañjdhār meñ Dūbtā huuñ ilāhī vo dil le ke merā kināre hue haiñ hamesha jo bharte the dam dostī kā vahī dushman-e-jāñ hamāre hue haiñ nazar kar du'ā par ḳhudāvand-e-ālam ki ham haath apne pasāre hue haiñ bhalā ġhair kī is meñ hai kyā shikāyat vahī dushman-e-jāñ hamāre hue haiñ unheñ ham ne nahlā diyā de ke chhīñTeñ 'ajab lutf dariyā kināre hue haiñ ḳhabar āmad-e-gul kī shāyad hai 'āġhā' chaman saare jhāḌe bahāre hue haiñ"

"kyā banā.e sāne-e-qudrat ne pyāre haath paañv nuur ke sāñche meñ Dhāle haiñ tumhāre haath paañv zo.af-e-pīrī chhā gayā zor-e-javānī chal basā ab chaleñ batlā.īye kis ke sahāre haath paañv machhliyāñ baazū pe ubhrīñ sāq-e-pā sham.eñ banīñ ḳhuub sāhab ne nikāle ab to baare haath paañv fauq hiire se nahīñ hai merī jaañ yāqūt ko kyuuñ rañge haiñ aap ne mehñdī se saare haath paañv mānī-o-bahzād ne mulk-e-adam kī raah lī vo kamar mutlaq na paa.ī laakh maare haath paañv ham na kahte the ki har dam shoḳhiyāñ achchhī nahīñ āḳhirash mehñdī ne bāñdhe lo tumhāre haath paañv hāthā-pā.ī meñ bhī ham chūke na apne kaam se vasl kī shab yaar ne kyā kyā na maare haath paañv hai za.īfī meñ bhī ham ko naujavānī kā ḳhayāl dil nahīñ haarā hai ab tak go ki haare haath paañv ġhair kī dhamkī se ham Dar jaa.eñ ye mumkin nahīñ aise buude bhī nahīñ haiñ kuchh hamāre haath paañv ma.adan-e-yāqūt ko dariyā banāyā aap ne mehñdī mal kar dho.e jab dariyā kināre haath paañv is buḌhāpe meñ bhī 'āġhā' so javāñ meñ ek hai go za.īfī aa ga.ī par haiñ karāre haath paañv"

"jīte-jī ke āshnā haiñ phir kisī kā kaun hai naam ke apne huā karte haiñ apnā kaun hai jān-e-jāñ tere sivā rashk-e-masīhā kaun hai maar kar Thokar jilā de mujh ko aisā kaun hai ye siyah ḳhema hai kis kā is meñ lailā kaun hai chamber-e-aflāk ke parde meñ baiThā kaun hai ham na kahte the ki saudā zulf kā achchhā nahīñ dekhiye to ab sar-e-bāzār rusvā kaun hai vo to hai be-nūr aur ye nuur se mā'mūr hai chashm ko nargis kahegā aisā andhā kaun hai dam-ba-dam har baat meñ karte ho ThanDī garmiyāñ aap kī ukhḌī huī bātoñ pe jamtā kaun hai vādī-e-vahshat meñ bhī ham-rāh haiñ āh-o-fuġhāñ apne hamdam saath haiñ ai jaan tanhā kaun hai ḳhair hai ai mehrbāñ kis ne unheñ sīdhā kyā aap kyuuñ bal karte haiñ zulfoñ se uljhā kaun hai duḳhtar-e-raz sach batā terī nazar kis par paḌī TaTTiyoñ kī aaḌ meñ se kis ko taakā kaun hai aaj maqtal meñ khaḌe kahte haiñ vo ḳhanjar-ba-kaf bol uTThe chāhne vaalā hamārā kaun hai chaar din jo kuchh tamāshā dekhnā hai dekh le sair ko phir gulshan-e-duniyā meñ aatā kaun hai bāñdh kar teġh o kafan jaate haiñ us qātil ke paas ham bhī dekheñ rokne vaalā hamārā kaun hai kyā tajāhul hai ki vo farmāte haiñ aġhyār se maiñ nahīñ pahchāntā mutlaq ki 'āġhā' kaun hai"

"paañv phir hoveñge aur dasht-e-muġhīlāñ hogā haath phir hoveñge aur apnā garebāñ hogā dil-e-vahshī tū na kar ishq pareshāñ hogā misl ā.īna ke phir shashdar-o-hairāñ hogā gar yahī ishq kā āġhāz hai to sun lenā laash hovegī mirī kūcha-e-jānāñ hogā Duub kar marne kā shauq us se hī pūchh ai qātil jis ne dekhā ye tirā chāh-e-zanaḳhdāñ hogā kahtī thī daam meñ sayyād ke ro kar bulbul ab kabhī ham ko mayassar na gulistāñ hogā jitne duniyā meñ sitam chāhe tū kar le mujh par hashr meñ haath mirā terā garebāñ hogā jaan de baiThegā ik roz tū us par 'āġhā' vo nahīñ haal kā tere kabhī pursāñ hogā"

"namāz kaisī kahāñ kā roza abhī maiñ shaġhl-e-sharāb meñ huuñ ḳhudā kī yaad aa.e kis tarah se butoñ ke qahr-o-itāb meñ huuñ sharāb kā shaġhl ho rahā hai baġhal meñ paatā huuñ maiñ kisī ko maiñ jāgtā huuñ ki so rahā huuñ ḳhayāl meñ huuñ ki ḳhvāb meñ huuñ na chheḌ is vaqt mujh ko zāhid nahīñ ye mauqa.a hai guftugū kā savār jaatā hai vo sharābī maiñ hāzir us kī rikāb meñ huuñ kabhī sharābī kabhī namāzī kabhī huuñ maiñ rind-gāh zāhid ḳhudā kā Dar hai butoñ kā khaTkā ajab tarah ke azaab meñ huuñ qayāmat aane kā ḳhauf kaisā taraddud-o-fikr kyuuñ hai 'āġhā' hisāb kyā koī mujh se legā batā to maiñ kis hisāb meñ huuñ"

"dil meñ tire ai nigār kyā hai hotā nahīñ ham-kanār kyā hai aayā jo dam vo hai ġhanīmat is ziist kā e'tibār kyā hai haiñ seb se bhī vo chhātiyāñ saḳht aage un ke anaar kyā hai duniyā ke ye sab Dhakosle haiñ turbat kaisī mazār kyā hai tā.ūs se chheḌ-chhāḌ kaisī haañ ai dil-e-dāġh-dār kyā hai jo jo vo rañj deñ uThāo jab dil hī diyā to aar kyā hai maiñ chāhtā huuñ use na chāhūñ dil par mirā iḳhtiyār kyā hai mizhgāñ kā hai mere dil meñ khaTkā ai ḳhushbū-e-nok-e-ḳhār kyā hai miTTī mirī ḳhaak meñ milā.ī mujh se un ko ġhubār kyā hai dauḌūñ to mujhe sabā na paa.e paidal kaisā savār kyā hai bose kī talab ki vasl kā zikr farmā.iye nāgavār kyā hai hai kyā 'āġhā' taḌap rahā hai kyuuñ kahte ho baar baar kyā hai"