Jaun Elia

ilaaj ye hai ki majbūr kar diyā jā.ūñ
vagarna yuuñ to kisī kī nahīñ sunī maiñ ne

us kī chashm-e-nīm-vā se pūchhiyo
vo tire mizhgāñ-shumārāñ kyā hue

mere tevar bujh ga.e merī nigāheñ jal ga.ī
ab koī ā.īna-rū ā.īna-dār aayā to kyā

sochā hai ki ab kār-e-masīhā na kareñge
vo ḳhuun bhī thūkegā to parvā na kareñge

jism meñ aag lagā duuñ us ke
aur phir ḳhud hī bujhā duuñ us ko

jurm meñ ham kamī kareñ bhī to kyuuñ
tum sazā bhī to kam nahīñ karte

ham haiñ masrūf-e-intizām magar
jaane kyā intizām kar rahe haiñ

chāñd ne taan lī hai chādar-e-abr
ab vo kapḌe badal rahī hogī

sab se pur-amn vāqi.a ye hai
aadmī aadmī ko bhuul gayā

ishrat-e-hāl-e-nau mubārak ho
aap ko sāl-e-nau mubārak ho

us ke hoñThoñ pe rakh ke hoñTh apne
baat hī ham tamām kar rahe haiñ

ham ajab haiñ ki us kī bāhoñ meñ
shikva-e-nārasā.ī karte haiñ