Shayari Of Abroo Shah Mubarak

"kaheñ kyā tum suuñ be-dard logo kisī se jī kā maram na paayā kabhī na būjhī yathā hamārī birah niiñ kyā ab hameñ satāyā lagā hai birhā jigar kuuñ khāne hue haiñ tīroñ ke ham nishāne deveñ haiñ sauteñ haman kuuñ ta.ane ki tujh ko kab.hūñ na muñh lagāyā rakhe na dil meñ kisī kī chintā gale meñ Daale birah kī kanThā daras kī ḳhātir tumhāre mantā bhikāran apnā baran banāyā lagī haiñ jī par birah kī ghāteñ talaf talaf kar bahā.eñ rāteñ tumhārī jin niiñ banā.īñ bāteñ akārat apnā janam gañvāyā gilā mamolā ye sab abas hai apas ke ochhe karam kā jas hai hamārā pyāre kaho kyā bas hai tumhāre jī meñ agar yuuñ aayā jo dukh paḌegā sahā karūñgī jase kahoge rahā karūñgī tuman kuuñ nis din duā karūñgī sakhī salāmat raho ḳhudā-yā"

"tīra-rañgoñ ke huā haq meñ ye tap karnā davā tīrgī jaatī rahī chehre kī aur upchī safā kyā sabab tere badan ke garm hone kā sajan āshiqoñ meñ kaun jaltā thā gale kis ke lagā tū gale kis ke lage lekin kinhī be-rahm ne garm dekhā ho.egā tere ta.iiñ añkhiyāñ milā bul-havas nāpāk kī az-bas-ki bhārī hai nazar parda-e-ismat meñ tū apne ta.iiñ us siiñ chhupā ashk-e-garm o āh-e-sard āshiq ke ta.iiñ vasvās kar ḳhuub hai parhez jab ho muḳhtalif āb-o-havā garm-ḳhūī siiñ pashemāñ ho ke Tuk laao araq tap kī hālat meñ pasīnā aavnā ho hai bhalā dil mirā ta.avīz ke juuñ le ke apne paas rakh to tufail-e-hazrat-e-āshiq ke ho tujh kuuñ shifā tursh-goī chhoḌ de aur talḳh-goī tark kar aur khānā jo ki ho ḳhushkā tarī so kar ġhizā 'bū-alī' hai nabz-dānī meñ butāñ kī 'ābrū' us kā is fan meñ jo nusḳha hai so hai ik kīmiyā"

"ham niiñ sajan sunā hai us shoḳh ke dahāñ hai lekin kabhū na dekhā kiitā hai aur kahāñ hai DhūñDā hazār to bhī terā nishāñ na paayā lashkar meñ gul-ruḳhāñ ke terī masal kahāñ hai ab tishnagī kā roza shāyad khule hamārā shaam o shafaq sajan kā missī o rañg-e-pān hai dil meñ kiyā hai daavā añkhiyāñ huī haiñ munkir terī kamar kā jhagḌā in do ke darmiyāñ hai rahtā huuñ ai piyāre qadmoñ tale tumhāre jis raah aavte ho aajiz kā vhiiñ makāñ hai tujh ḳhatt-e-pusht-e-lab meñ tis kā suḳhan huā sabz us kī zabāñ dahan meñ mānind-e-barg-e-pāñ hai piirī siiñ qad kamāñ hai har-chand 'ābrū' kā is naujavāñ kī ḳhātir dil ab talak kashāñ hai"

"insān hai to kibr siiñ kahtā hai kyuuñ anā aadam to ham sunā hai ki vo ḳhaak se banā kaisā milā hai ham siiñ ki ab lag hai anmanā sun kar hamārī baat kuuñ kartā hai haañ na nā mukhḌe kī nau-bahār huī ḳhat se āshkār sabza na thā ye husn kā banjar thā par ghanā murdā hai be-visāl rahe go ki jāgtā sotā huuñ yaar saath so zindoñ meñ jāgnā duunī bimārī jab siiñ batāte haiñ fāhisha mal mal ke jis qadar ki ghinānte haiñ ubTanā yuuñ dil hamārā ishq kī ātish meñ ḳhush huā bhun kar tamām aag meñ khiltā hai juuñ chanā nahiñ āb-o-gil sifat tire tan ke ḳhamīr kī kartā huuñ jaan o dil kuuñ lagā us kī maiñ sanā jab 'ābrū' kā byaah huā bakr fikr siiñ tab shā.eroñ ne naam rakhā us kā but banā"

"ḳhurshīd-rū ke aage ho nuur kā savālī kaasa liye gadā kā aayā hai chāñd ḳhālī sunnāhaTā judā hai aur be-ḳhudī nirālī hai mere jī ke haq meñ ye abr bars-gālī majnūñ to bāvlā thā jin raah lī jañgal kī syānā vahī ki jis niiñ ki shahr kī havā lī lohū meñ loTtā hai baḳht-e-siyah kā barjā kaalī ghaTā meñ zebā laage shafaq kī laalī"

"mat mehr setī haath meñ le dil hamāre kuuñ jaltā hai kyuuñ pakaḌtā hai zālim añgāre kuuñ chehre ko chhiḌkiyāv kiyā hai añjhū niiñ yuuñ paanī ke dhāre kāTte haiñ juuñ karāre kuuñ ma.aqūl kyuuñ raqīb ho minnat siiñ ḳhalq kī kui ḳhuub kar sake hai ḳhudā ke bigāḌe kuuñ martā huuñ lag rahī hai ramaq aa daras dikhāo jā kar kaho hamārī taraf se piyāre kuuñ maiñ aa paḌā huuñ ishq ke zālim bhañvar meñ aaj aisā koī nahīñ ki lagāve kināre kuuñ siine ko abruvāñ niiñ tire yuuñ kiyā figār taḳhte upar chalāvte haiñ jūñki aare kuuñ apnā jamāl 'ābrū' kuuñ Tuk dikhāo aaj muddat se aarzū hai daras kī bichāre kuuñ"

"hai haman kā shaam koī le jā ki mujhe aa ke Tuk dars de jā bul-havas kuuñ huā hai tab siiñ maġhz jab siiñ tum ne use bulā bhejā tum sivā ham kuuñ aur jāgah nahīñ ai sajan ham siiñ mat laḌo bejā 'ābrū' chāhtā hai tū mat uḌ bul-havas us galī siiñ san bejā"

"jaal meñ jis ke shauq aa.ī hai us ke dil kuuñ taḌaph kamāhī hai jag ke ḳhūbāñ haiñ tujh pe sab maftūñ tan meñ yūsuf bhī ek chāhī hai daaġh siiñ kyuuñ na dil ujālā ho chashm kī raushnī siyāhī hai ab talak khīñch khīñch jaur-o-jafā har tarah dostī nibāhī hai taur kyā pūchhte ho kāfir kā shoḳh hai bāñkha hai sipāhī hai haath meñ kahrubā kī simran dekh rañg āshiq kā aaj kaahī hai haal āshiq kā kyā bayāñ kiije ḳhvār hai ḳhasta hai tabāhī hai 'ābrū' kyuuñ na ho rahe ḳhāmosh dard kahne kī yaañ manāhī hai"

"nahīñ ghar meñ falak ke dil-kushā.ī kahāñ hotī hai yahāñ merī samā.ī kare jo bandagī so ho gunahgār nyārī hai yahāñ kī kuchh ḳhudā.ī zabah karne kuuñ nāhaq be-kasoñ ke batā terī kamar ye kin kasā.ī tum apnī baat ke raajā ho pyāre kahīñ siiñ zid tumheñ ho hai sivā.ī chaman kuuñ jiit aa.e naaz bū jab tumhāre sabza-e-ḳhat niiñ harā.ī sapīdī qand kī phīkī lagī jab tumhāre rañg kī dekhī girā.ī bahā ḳhūn-e-jigar añkhiyoñ señ pal pal sajan bin raat ham kuuñ yuuñ bahā.ī nahīñ Tikne kā paañv 'ābrū' kā galī kī raah us ke haat aa.ī"

"kamāñ huā hai qad abrū ke gosha-gīroñ kā tabāhe haal tirī zulf ke asīroñ kā Dhale hai jis pe dil tis kā kiyā hai zāhir ism vahī hai vo ki jo marja.a hai in zamīroñ kā har ek sabz hai hindostān kā ma.ashūq bajā hai naam ki bālam rakhā hai khīroñ kā murīd piiT ke kyuuñ na.ara-zan na hoñ un kā burā hai haal ki laagā hai zaḳhm pīroñ kā birah kī raah meñ jo kui girā so phir na uThā qadam phirā nahīñ yaañ aa ke dast-gīroñ kā vo aur shakl hai kartī hai dil ko jo tasḳhīr abas hai shaiḳh tirā naqsh ye lakīroñ kā sailī meñ juuñ ki laTakkā ho 'ābrū' yuuñ dil sajan kī zulf meñ laTkā liyā faqīroñ kā"

"saañp sar maar agar jo jaave mar na kare zulf ke tirī sar bar naam lailā kā dam-ba-dam le le mārtā hai jañgal meñ majnūñ baḌ 'āshiqāñ dekh terī sang-dilī jaan dete haiñ dam-ba-dam mar mar 'ābrū' jiiv Duub jaatā hai be-ḳhudī kī jab āvatī hai lahr"

"sair-e-bahār-e-husn hī añkhiyoñ kā kaam jaan dil kuuñ sharāb-e-shauq kā sāġhar mudām jaan tarz-e-nigāh-e-ijz yahī arz-e-hāl hai ai ramz-dāñ haman ke añkhiyoñ kā kalām jaan rusvā kareñge tujh kuuñ jagat meñ nihāl-e-ashk añjhuvāñ kuuñ dasht aur saf-e-mizhgāñ ko shaam jaan terī galī meñ diida o dil farsh-e-rāh haiñ āhista Tuk qadam kuuñ rakh ai ḳhush-ḳhirām jaan vahdat meñ be-ḳhudī kā 'ibādat huā hai naam mai-ḳhāne kuuñ adab setī bait-ul-harām jaan teġh-e-ajal suuñ kis kā salāmat rahā hai jiiv shoḳhī siiñ jab nigāh kareñ qatl-e-'ām jaan us kuuñ sharaf hai jis kī kareñ bandagī qubūl jo 'ābrū' talab haiñ so apnā ġhulām jaan"