ibn-e-mariyam kī shafā.at shoḳhī-e-ījād tak — All Writings Of Abaan Asif Kachkar

"pā-ba-pā aamad kareñ sab ābla-pā ham nahīñ ab ki vo hamrāh hogā jab ki vo hamdam nahīñ ġhār-e-shab meñ ik tamāshā ik jadal barpā huā kam ziyāda thī nazar to thī ziyāda kam nahīñ sargirāñ khā kar vo meva be-ijāzat ḳhuld se be-zarar iblīs hogā be-zarar aadam nahīñ sarparastī kā muhājir kā.enāt o kul dahr saarā saarā din machāyā par machā ūdham nahīñ sab mulavvis ro rahe ham jā rahe haiñ jaan se kuchh tumhārā ġham to hogā kuchh hamārā ġham nahīñ sun to lo ġhazleñ 'abāñ' kī daur-e-'ālam kam paḌho vo suḳhan-āzād har-sū jo suḳhan-‘ālam nahīñ"

"'ālam-e-ḳharābī kā tark-e-mudda’ā huuñ maiñ kis ko hai ḳhabar yaañ ki maiñ jo huuñ to kyā huuñ maiñ maiñ nazāra-e-dīgar soz kā nazāra huuñ dil kī lā-'ilājī ke dard kī davā huuñ maiñ maiñ huuñ halqa-e-āfat jāvedāna-jāñ bhī huuñ kahne aur sunñe ko abr huuñ havā huuñ maiñ mājrā-faroshī hai apne yaañ bahut dekho āḳhirī maiñ kab royā kab talak hañsā huuñ maiñ huzn-e-infisāl-e-man se lahū lahū hai tan ik taraf maiñ baiThā huuñ ik taraf khaḌā huuñ maiñ kār-e-zindagānī meñ tū nihāñ thā lekin thā ab to zindagānī meñ nā to tū hai nā huuñ maiñ kyā 'abān' maujūda mo'jize pe mabnī ho sab ke sab ye kahte haiñ maiñ bahut burā huuñ maiñ"

"huā jab TūTnā abtar navā be-sūd shīshe kā uThā shahr-e-qazā meñ mudda.ā nā-būd shīshe kā ki bas bāda-kashī matlab tavāñ har jā hai shīshe kī thā kab marġhūb thā idrāk yaañ mardūd shīshe kā nafas marg-e-nafas hotā hai juuñ shīshe kī ḳhilqat meñ asar be-laus hotā hai jidhar mahdūd shīshe kā kisū ḳhāliq kā da.avā kar gayā phir mar gayā insāñ ḳhudā.ī kar nahīñ saktā kabhī namrūd shīshe kā ibārat muntaqil rahtī hai phir parvardigārāñ se kahīñ but hai tū patthar kā kahīñ ma.abūd shīshe kā 'abāñ' ko tum kaho insāñ kaho insāñ ko tum shīsha kaho maujūd insāñ to kaho maujūd shīshe kā"

"ham jaisī jahāñ meñ bhī koī baat kahāñ hai larzish sī hama-vaqt hai ūdham sā ravāñ hai nālān-e-junūñ-zād kisū pas na sunā.ī ik raunaq-e-āfāq meñ guftār-e-fuġhāñ hai hai vo ki jahāñ ḳhuun meñ hai rāz-o-niyāzī vo pīr-e-ḳhirad barg-o-gul-e-bāġh-e-nihāñ hai dā'vā-e-suḳhan der talak hove hamārā maqdūr hai satvat hai ye jaadū kā bayāñ hai har jā ke tilismāna 'adū saath kuḌhe jā is roz zubūñ huuñ jo mire muñh meñ zabāñ hai āshuftagī-e-soz-e-alam se hī to yaaro dil merā jalā kyā ye ki uf kitnā dhuāñ hai paḌh lo jo nazar aave hai bārīk-nigārī behad suḳhan-āmāda hai sāhab ye 'abāñ' hai"

"nahīñ akbar yahāñ mujh sher kī ḳhvāhāñ bayānī se zi-bas maqdūr hai maqdūr par mātam zabānī se gah-e-hastī kahīñ zāhir patā ham sar se laave hai dhuāñ uThtā hai phir pas az fanā soz-e-nihānī se tahī dil jān-e-mā guzrī to kyā ghabrā ke pūchho ho abas dil nā-tavāñ guzrā sarāpā nā-tavānī se havā kī shauq-e-mai uḌ jaave hai ḳhām-e-ḳhayālī ko ubūr-e-abr tūlānī ki barse mai-fishānī se unhoñ ke vāda-e-fardā ko gar imroz mil jaatā divānā mar nahīñ jaatā jo mil jaatā divānī se ḳhamoshī bhar rahī hai dard apnā ginte jaate haiñ davā bezār rahtī hai ḳhudāyā sargirānī se munāfiq ab kahāñ dushman kī samt-e-rah se jā laage evaz dushman bane hai yaañ munāfiq bad-gumānī se suḳhan-var haiñ bahut achchhe kitāboñ se churāve jo 'abān' ko dekh likhtā hai tabī.at kī ravānī se"

"gard ke unvān se kyoñ mil rahī hai gard saaqī dard-mandānī kī jānib haa.e hai hamdard saaqī vo jo sāġhar haath meñ le chashm se hī jaam hogā bārhā vo mahfiloñ kī shaan hai mai fard saaqī bazm-e-ḳhud ke mausamoñ kī rang-o-bū sarshār hai yaañ garmi-e-mai-nosh pā kar kuchh to hai vaañ sard saaqī be-badal be-iḳhtiyārāñ kiyā mujhe sar chuur shīsha mujh ko phir de kar davā kar tū davā ko dard saaqī ashk aajiz hote hote ishq baa.is kyoñ na hogā ek hī dam soz se jo dekh le be-pard saaqī hazrat-e-nāseh se jā ma.alūm kar dard-o-kasak tū ek hai be-dard saaqī ek hai pur-dard saaqī"