"ḳhvāb ummīd se sarshār bhī ho jaa.e to kyā dasht to dasht hai bāzār bhī ho jaa.e to kyā ab kahāñ koī sitāroñ ko ginā kartā hai merā har zaḳhm numūdār bhī ho jaa.e to kyā so chukī shaam añdhere kā hai saaya dil par aaj ḳhvāhish koī bedār bhī ho jaa.e to kyā zindagī apnī na badlī hai na badlegī kabhī ḳhāk-e-pā zīnat-e-dastār bhī ho jaa.e to kyā manzileñ baḌhne lagīñ ḳhud hī musāfir kī taraf rāsta sūrat-e-dīvār bhī ho jaa.e to kyā"
"ḳhudā bhī kaisā huā ḳhush mire qarīne par mujhe shahīd kā darja milā hai jiine par khañDar ke gumbad o mehrāb jaag uTTheñge use kaho ki vo dhīre se aa.e ziine par lakīr hai na koī rañg hai na kalma hai ye kaisā naqsh banāyā hai mere siine par abhī umiid na.ī vus.atoñ kī qaa.em hai abhī vo lauT ke aayā nahīñ safīne par chhateñ bhī baT chukīñ āñgan bhī baT chuke lekin chhiḌī hai jañg ki haq kis kā hai dafīne par"
Shayari Of Muzaffar Abdali"raunaq-e-arz-o-samā shams o qamar maiñ hī huuñ ġhaur se dekhiye tā-hadd-e-nazar maiñ hī huuñ ho liye saare tamāshā.ī kisī manzil ke rah gayā maiñ so sar-e-rāhguzar maiñ hī huuñ mujh se mat pūchh ki kis tarah se ujḌī bastī mujh ko bas dekh le rūdād-o-ḳhabar maiñ hī huuñ maiñ bhī muhtāj-e-masīhā.ī tirā huuñ lekin mat idhar aa ki mirī jaan idhar maiñ hī huuñ mire malbūs haiñ kim-ḳhvāb ke paivand lage ḳhvāb meñ shaam kā ta.abīr-e-sahar maiñ hī huuñ kashtiyāñ likhtī raheñ roz kahānī apnī mauj kahtī hī rahī zer-o-zabar maiñ hī huuñ vus.at-e-kārgah-e-shīsha-garī ma.āz-allāh ḳhaak maiñ jaam bhī maiñ dast-e-hunar maiñ hī huuñ"
Shayari Of Muzaffar Abdali"yaqīn aaj bhī vahm-o-gumān meñ gum hai zamīn jaise kahīñ āsmān meñ gum hai ye āftāb bhī kis zāviye se Dhaltā hai zarā sī dhuup liye ān-bān meñ gum hai darīche duur hue jaate haiñ makīnoñ se sabā bhī sirf tavāf-e-makān meñ gum hai maiñ ek but huuñ ajā.ib-gharoñ meñ rakkhā huā mirā vajūd mirī dāstān meñ gum hai natīja phir se kahīñ multavī na ho jaa.e mirā savāl tire imtihān meñ gum hai"
Shayari Of Muzaffar Abdali"ret par ik nishān hai shāyad ye hamārā makān hai shāyad shor ke biich so rahī hai zamīñ muddatoñ kī thakān hai shāyad dard kā ishtihār chaspāñ hai zindagī kī dukān hai shāyad tanhā tanhā nikal paḌe panchhī ahd-e-nau kī uḌaan hai shāyad aql kahtī hai mar chukā rishta shauq kahtā hai jaan hai shāyad vo jahāñ par pighal rahī hai dhuup haañ vahīñ sā.ebān hai shāyad aaj vo muskurā ke milte haiñ aaj phir imtihān hai shāyad"
Shayari Of Muzaffar Abdali"ḳhalvat-e-jāñ se chalī baat zabāñ tak pahuñchī koī chingārī añgeThī se dhuāñ tak pahuñchī raaz o asrār ke khulne kī tavaqqo' thī kise ik kahānī thī kisī tarah bayāñ tak pahuñchī rah-guzar kā hai taqāzā ki abhī aur chalo ek ummīd jo manzil ke nishāñ tak pahuñchī bā.is-e-rāhat-o-ġham lutf-e-karam thā varna jitnī ḳhvāhish thī faqat suud o ziyāñ tak pahuñchī tū ne parda na haTāyā mujhe taskīñ na huī bandagī haar ke phir kū-e-butāñ tak pahuñchī"
Shayari Of Muzaffar Abdali"ḳhamoshī kī girah khole sar-e-āvāz tak aa.e ishāra koī to samjhe koī to raaz tak aa.e koī anjām kab se muntazir hai ek hāzir kā koī raḳht-e-safar bāñdhe koī āġhāz tak aa.e zamīn-e-dil ye jam jaane se kuchh hāsil nahīñ hogā ġhubār-e-shauq se kah do zarā parvāz tak aa.e koī mahfil baḌī ḳhāmosh hai yādoñ se phir kah do rabāb-e-jāñ koī chheḌe koī dam-sāz tak aa.e kisī ke naam kar Daalā thā ḳhvāboñ ke jazīre ko safīne an-ginat varna nigāh-e-nāz tak aa.e"
Shayari Of Muzaffar Abdali