Shayari Of Muzaffar Abdali

bahaknā merī fitrat meñ nahīñ par
sambhalne meñ pareshānī bahut hai

ḳhudā bhī kaisā huā ḳhush mire qarīne par
mujhe shahīd kā darja milā hai jiine par

rah-guzar kā hai taqāzā ki abhī aur chalo
ek ummīd jo manzil ke nishāñ tak pahuñchī

ret par ik nishān hai shāyad
ye hamārā makān hai shāyad

kashtiyāñ likhtī raheñ roz kahānī apnī
mauj kahtī hī rahī zer-o-zabar maiñ hī huuñ

"ret par ik nishān hai shāyad ye hamārā makān hai shāyad shor ke biich so rahī hai zamīñ muddatoñ kī thakān hai shāyad dard kā ishtihār chaspāñ hai zindagī kī dukān hai shāyad tanhā tanhā nikal paḌe panchhī ahd-e-nau kī uḌaan hai shāyad aql kahtī hai mar chukā rishta shauq kahtā hai jaan hai shāyad vo jahāñ par pighal rahī hai dhuup haañ vahīñ sā.ebān hai shāyad aaj vo muskurā ke milte haiñ aaj phir imtihān hai shāyad"

"ḳhudā bhī kaisā huā ḳhush mire qarīne par mujhe shahīd kā darja milā hai jiine par khañDar ke gumbad o mehrāb jaag uTTheñge use kaho ki vo dhīre se aa.e ziine par lakīr hai na koī rañg hai na kalma hai ye kaisā naqsh banāyā hai mere siine par abhī umiid na.ī vus.atoñ kī qaa.em hai abhī vo lauT ke aayā nahīñ safīne par chhateñ bhī baT chukīñ āñgan bhī baT chuke lekin chhiḌī hai jañg ki haq kis kā hai dafīne par"

"maiñ jo bad-havās thā mahv-e-qayās tum bhī the bichhaḌte vaqt zarā sā udaas tum bhī the badalte vaqt kā manzar thā sab kī āñkhoñ meñ misāl maiñ thā agar iqtibās tum bhī the mujhe to daar milā tum ko kaise taḳht milā sunā hai merī tarah haq-shanās tum bhī the tumhāre hoñT se ḳhushiyāñ chhalak ga.iiñ kaise uThā.e haath meñ ḳhālī gilās tum bhī the akelā-pan pe ka.ī sher kah diye maiñ ne ye aur baat mire aas paas tum bhī the"

"bayābāñ ko pashemānī bahut hai ki shahroñ meñ bayābānī bahut hai mire hañsne pe duniyā chauñk uTThī mujhe bhī ḳhud pe hairānī bahut hai chalo sahrā ko bhī ab āzmā.eñ sunā thā ghar meñ āsānī bahut hai ḳhudā mahfūz rakkhe fasl-e-dil ko kahīñ sūkhā kahīñ paanī bahut hai kahīñ bādal kahīñ peḌoñ ke saa.e ujāloñ par nigahbānī bahut hai bahaknā merī fitrat meñ nahīñ par sambhalne meñ pareshānī bahut hai"

"ḳhalvat-e-jāñ se chalī baat zabāñ tak pahuñchī koī chingārī añgeThī se dhuāñ tak pahuñchī raaz o asrār ke khulne kī tavaqqo' thī kise ik kahānī thī kisī tarah bayāñ tak pahuñchī rah-guzar kā hai taqāzā ki abhī aur chalo ek ummīd jo manzil ke nishāñ tak pahuñchī bā.is-e-rāhat-o-ġham lutf-e-karam thā varna jitnī ḳhvāhish thī faqat suud o ziyāñ tak pahuñchī tū ne parda na haTāyā mujhe taskīñ na huī bandagī haar ke phir kū-e-butāñ tak pahuñchī"

"ret ke shānoñ pe shabnam kī namī raat ga.e aur kuchh tez huī tishna-labī raat ga.e baam o dar jaag uThe shauq ne āñkheñ kholīñ dil kī dahlīz pe dastak sī huī raat ga.e mere siine meñ kisī aag kā jalnā din bhar us ke hoñToñ pe vo halkī sī hañsī raat ga.e ik isī ḳhvāb ne kyā kyā na tamāshā dekhā niiñd ke haath meñ jaadū kī chhaḌī raat ga.e fat.h paa.ī hai sarāboñ pe mire ashkoñ ne ġham ne bāñdhī hai ka.ī baar nadī raat ga.e"

"kis ne dekhī hai bahāroñ meñ ḳhizāñ mere sivā kaun kar saktā hai ye qissa bayāñ mere sivā kis ko mālūm hai sahrā kī havāoñ kā mizāj ret par kaun banā.egā makāñ mere sivā sab faqīrān-e-shab-e-hijr vatan chhoḌ ga.e kaun ab degā bayābāñ meñ azaañ mere sivā thapkiyāñ kaun sar-e-dasht mujhe detā hai kyā koī aur bhī rahtā hai yahāñ mere sivā ek ik zaḳhm mire ashk se ye kahte rahe ab koī aur na ho naqsh-ayāñ mere sivā is na.e shahr kī is bhiiḌ meñ ai hazrat-e-ishq jāntā kaun hai ab tum ko miyāñ mere sivā"