hamare Dubne ke baad ubhrenge na.e taare — Abdul Majeed Salik

"charagh-e-zindagi hoga farozan ham nahin honge chaman men aa.egi fasl-e-baharan ham nahin honge"

"ishq hai be-gudaz kyuun husn hai be-niyaz kyuun meri vafa kahan ga.i un ki jafa ko kya hua"

"na.i sham.en jalao ashiqi ki anjuman vaalo ki suuna hai shabistan-e-dil-e-parvana barson se"

"hal-e-dil sun ke vo azurda hain shayad un ko is hikayat pe shikayat ka guman guzra hai"

"jo unhen vafa ki sujhi to na ziist ne vafa ki abhi aa ke vo na baiThe ki ham uTh ga.e jahan se"

"tujhe kuchh ishq o ulfat ke siva bhi yaad hai ai dil suna.e ja raha hai ek hi afsana barson se"