dard aisa diya ehsas-e-vafa ne ham ko — Amanullah Khalid

ruko to yuun ki Thahar jaa.e gardish-e-dauran
chalo to aise ki saare jahan ko saath liye

— Amanullah Khalid

un ki tamanna meri koshish baham va.ade aur qasmen
kuchh meri taqdir ke sadqe baaqi sab halat ke naam

— Amanullah Khalid

main tujhe bhuul na paaya to ye chahat hai miri
yaad rakkha hai jo tu ne tira ehsan janan

— Amanullah Khalid

kitab ziist men bab-e-alam bhi ho mahfuz
siyah-rat ka manzar sahar men rakkha jaa.e

— Amanullah Khalid

vaqt ki tez havaon ne ajab moD liya
phuul se haath jo the un men bhi patthar nikle

— Amanullah Khalid

har dar pe ik baang lagaven bhala karo bas bhala karo
ek hi shikva ek hi naala sub.h kiya aur shaam kiya

— Amanullah Khalid