hamin ne chun liye phulon ke badle khaar daman men — Anees Ahmad Anees

"main vo rind-e-nau nahin huun jo zara si pi ke bahkun abhi aur aur saaqi ki main phir sambhal raha huun"

"kabhi ik baar haule se pukara tha mujhe tum ne kisi ki mujh se ab avaz pahchani nahin jaati"

"udhar vo ahd-o-paiman-e-vafa ki baat karte hain idhar mashq-e-sitam bhi tark farmaya nahin jaata"

"tavaf-e-mah karna aur khala men saans lena kya bharosa jab nahin insan ko insan ke dil par"

"vo apne daman-e-para pe bhi nigah kare jahan men mujh pe uTha kar jo ungliyan guzre"

"yarab mire gunah kya aur ehtisab kya kuchh di nahin hai khizr si umr-e-ravan mujhe"