husn aur ishq hain donon kafir — Azeem Quraishi

hijr men us nigar-e-taban ke
lamha lamha baras hai kya kiije

— Azeem Quraishi

tire visal ki kab aarzu rahi dil ko
ki ham ne chaha tujhe shauq-e-be-sabab ke liye

— Azeem Quraishi

ham bhi kisi shirin ke liye khana-badar the
farhad rah-e-ishq men tanha to na nikla

— Azeem Quraishi

chand ko tum avaz to de lo
ek musafir tanha to hai

— Azeem Quraishi

sahra ka koi phuul mo.attar to nahin tha
tha ek chhalava koi manzar to nahin tha

— Azeem Quraishi

jam bhi vahi daara bhi sikandar bhi vahi hai
ji kar bhi tira aur jo mar kar bhi tira hai

— Azeem Quraishi