zamin mom ki hoti hai mere qadmon men — Aziz Bano Darab Wafa

"us ki har baat samajh kar bhi main anjan rahi chandni raat men DhunDa kiya jugnu vo bhi"

"zard chehron ki kitaben bhi hain kitni maqbul tarjume un ke jahan bhar ki zabanon men mile"

"mire andar DhanDora piTta hai koi rah rah ke jo apni khairiyat chahe vo basti se nikal jaa.e"

"mujhe kahan mire andar se vo nikalega para.i aag men koi na haath Dalega"

"tishnagi meri musallam hai magar jaane kyuun log de dete hain TuuTe hue pyale mujh ko"

"main ne ye soch ke bo.e nahin khvabon ke darakht kaun jangal men uge peD ko paani dega"