apne dushman ko bhi khud baDh ke laga lo siine — Danish Aligarhi

"zarre zarre men mahak pyaar ki Daali jaa.e bu ta.assub ki har ik dil se nikali jaa.e"

"ho ke majbur ye bachchon ko sabaq dena hai ab qalam chhoD ke talvar uTha li jaa.e"

"tere firaq ne ki zindagi ata mujh ko tera visal jo milta to mar gaya hota"

"gar tarannum par hi 'danish' munhasir hai sha.iri phir to duniya bhar ke sha.ir naghma-khvan ho ja.enge"

"muskura kar un ka milna aur bichhaDna ruuTh kar bas yahi do lafz ik din dastan ho ja.enge"

"akhiri vaqt talak saath andheron ne diya raas aate nahin duniya ke ujale mujh ko"