bose biivi ke hansi bachchon ki ankhen maan ki — Fuzail Jafri

koi manzil akhiri manzil nahin hoti 'fuzail'
zindagi bhi hai misal-e-mauj-e-dariya rah-rau

— Fuzail Jafri

zahr miTha ho to piine men maza aata hai
baat sach kahiye magar yuun ki haqiqat na lage

— Fuzail Jafri

dasht-e-tanha.i men jiine ka saliqa sikhiye
ye shikasta bam-o-dar bhi ham-safar ho ja.enge

— Fuzail Jafri

dil yuun to gaah gaah sulagta hai aaj bhi
manzar magar vo raqs-e-sharar ka nahin raha

— Fuzail Jafri

jo bhar bhi jaa.en dil ke zakhm dil vaisa nahin rahta
kuchh aise chaak hote hain jo juD kar bhi nahin silte

— Fuzail Jafri

main aur miri zaat agar ek hi shai hain
phir barson se donon men saf-ara.i si kyuun hai

— Fuzail Jafri