aa.ine men hai faqat aap ka aks — Haneef Akhgar

har taraf hain khana-barbadi ke manzar be-shumar
kuchh Thikana hai bhala is jazba-e-tamir ka

— Haneef Akhgar

be-shak asir-e-gesu-e-janan hain be-shumar
hai koi ishq men bhi giraftar dekhna

— Haneef Akhgar

shamil hue hain bazm men misl-e-charagh ham
ab sub.h tak jalenge lagatar dekhna

— Haneef Akhgar

dekho hamari samt ki zinda hain ham abhi
sachcha.iyon ki akhiri pahchan ki tarah

— Haneef Akhgar

jo hai tazgi miri zaat men vahi zikr-o-fikr-e-chaman men hai
ki vajud mera kahin bhi ho miri ruuh mere vatan men hai

— Haneef Akhgar

kisi ke jaur-e-musalsal ka faiz hai 'akhgar'
vagarna dard hamare sukhan men kitna tha

— Haneef Akhgar