Haneef Akhgar

har taraf hain khana-barbadi ke manzar be-shumar
kuchh Thikana hai bhala is jazba-e-tamir ka

be-shak asir-e-gesu-e-janan hain be-shumar
hai koi ishq men bhi giraftar dekhna

shamil hue hain bazm men misl-e-charagh ham
ab sub.h tak jalenge lagatar dekhna

aa.ine men hai faqat aap ka aks
aa.ina aap ki surat to nahin

dekho hamari samt ki zinda hain ham abhi
sachcha.iyon ki akhiri pahchan ki tarah

kisi ke jaur-e-musalsal ka faiz hai 'akhgar'
vagarna dard hamare sukhan men kitna tha

koi saaghar pe saaghar pi rahaa hai koi tishna hai
murattab is tarah aain-e-mai-khaana nahin hotaa

hasin surat hamein hamesha hasin hi maalum kyuun na hoti
hasin andaaz-e-dil-navaazi hasin-tar naaz barhami kaa

kushta-e-zabt-e-fughaan naghma-e-be-saaz-o-sadaa
uf vo aansu jo lahu ban ke Tapaktaa hogaa

puchhti rahti hai jo qaisar-o-kisraa kaa mizaaj
shaan ye khaak-nashinon mein kahaan se aai

jo musaafir bhi tire kuche se guzraa hogaa
apni nazron ko bhi divaar samajhtaa hogaa

har taraf hain khaana-barbaadi ke manzar be-shumaar
kuchh Thikaana hai bhalaa is jazba-e-taamir kaa