'jalal' ahd-e-javani hai doge dil sau baar — Jalal Lakhnavi

na ho barham jo bosa be-ijazat le liya main ne
chalo jaane do betabi men aisa ho hi jaata hai

— Jalal Lakhnavi

ga.i thi kah ke main laati huun zulf-e-yar ki bu
phiri to bad-e-saba ka dimagh bhi na mila

— Jalal Lakhnavi

va.ada kyuun baar baar karte ho
khud ko be-e'tibar karte ho

— Jalal Lakhnavi

ishq ki choT ka kuchh dil pe asar ho to sahi
dard kam ho ya ziyada ho magar ho to sahi

— Jalal Lakhnavi

shab ko mai khuub si pi sub.h ko tauba kar li
rind ke rind rahe haath se jannat na ga.i

— Jalal Lakhnavi

main ne puchha ki hai kya shaghl to hans kar bole
aaj kal ham tere marne ki dua karte hain

— Jalal Lakhnavi