baharon ki nazar men phuul aur kanTe barabar hain — Kaleem Aajiz

"ye tarz-e-khas hai koi kahan se la.ega jo ham kahenge kisi se kaha na ja.ega"

"daman pe koi chhinT na khanjar pe koi daagh tum qatl karo ho ki karamat karo ho"

"na jaane ruuTh ke baiTha hai dil ka chain kahan mile to us ko hamara koi salam kahe"

"rakhna hai kahin paanv to rakkho ho kahin paanv chalna zara aaya hai to itra.e chalo ho"

"baat chahe be-saliqa ho 'kalim' baat kahne ka saliqa chahiye"

"ishq men maut ka naam hai zindagi jis ko jiina ho marna gavara kare"