Kaleem Aajiz

"ye aansu be-sabab jaari nahin hai mujhe rone ki bimari nahin hai"

"bhala aadmi tha pa nadan nikla suna hai kisi se mohabbat kare hai"

"khamoshi men har baat ban jaa.e hai jo bole hai divana kahla.e hai"

"mai-kade ki taraf chala zahid sub.h ka bhula shaam ghar aaya"

"apna dil sina-e-ash.ar men rakh dete hain kuchh haqiqat bhi zaruri hai fasane ke liye"

"tumhen yaad hi na aa.uun ye hai aur baat varna main nahin huun duur itna ki salam tak na pahunche"

daaman pe koi chhinT na khanjar pe koi daagh
tum qatl karo ho ki karaamaat karo ho

zaalim thaa vo aur zulm ki aadat bhi bahut thi
majbur the ham us se mohabbat bhi bahut thi

dard aisaa hai ki ji chaahe hai zinda rahiye
zindagi aisi ki mar jaane ko ji chaahe hai

na jaane ruuTh ke baiThaa hai dil kaa chain kahaan
mile to us ko hamaaraa koi salaam kahe

rakhnaa hai kahin paanv to rakkho ho kahin paanv
chalnaa zaraa aayaa hai to itraae chalo ho

miraa haal puchh ke ham-nashin mire soz-e-dil ko havaa na de
bas yahi duaa main karun huun ab ki ye gham kisi ko khudaa na de