sajni ki ankhon men chhup kar jab jhanka — Musavvir Sabzwari

"khatm hone de mire saath hi apna bhi vajud tu bhi ik naqsh kharabe ka hai mar ja mujh men"

"guzarte patton ki chaap hogi tumhare sehan-e-ana ke andar fasurda yadon ki barishen bhi mujhe bhulane ke baad hongi"

"vo sardiyon ki dhuup ki tarah ghurub ho gaya lipaT rahi hai yaad jism se lihaf ki tarah"

"na socho tark-e-ta.alluq ke moD par ruk kar qadam baDhao ki ye hadsa zaruri hai"

"na TuuT kar itna ham ko chaho ki ro paDen ham dabi daba.i si choT ik ik ubhar ga.i hai"

"apne hone ka kuchh ehsas na hone se hua khud se milna mira ik shakhs ke khone se hua"