hamari raah se patthar uTha kar phenk mat dena — Nafas Ambalvi

"jab bhi us divar se milta huun ro paDta huun main kuchh na kuchh to hai yaqinan us men patthar se alag"

"marne ko mar bhi ja.un koi mas.ala nahin lekin ye tai to ho ki abhi ji raha huun main"

"use guman hai ki meri uDaan kuchh kam hai mujhe yaqin hai ki ye asman kuchh kam hai"

"inkar kar raha huun to qimat buland hai bikne pe aa gaya to gira denge daam log"

"suna hai vo bhi mire qatl men mulavvis hai vo bevafa hai magar itna bevafa bhi nahin"

"ab un ki khvab-gahon men koi avaz mat karna bahut thak-har kar fotpath par mazdur so.e hain"