us ne thane men rapaT kuchh aisi likhva.i ki bas — Nashtar Amrohvi

"bachchon se munh ko moD ke begam to so ga.iin su-su har ik ko main ne karaya tamam raat"

"aj-kal kirdar ka me.aar bhi daulat se hai itni sasti ho ga.i dastar-o-dana.i ki bas"

"durgat bane hai chaa.e men biscuit ki jis tarah shadi ke baa'd logo vahi mera haal hai"

"din men to kah rahi thi ki tum mere sher ho aur us ke baa'd ullu banaya tamam raat"

"do chaar manzilon hi pe sansen ukhaD ga.iin ghuTnon pe hai zaval pata chal gaya mujhe"

"vo motiyon se daant vo lambe siyah baal naqli tha saara maal pata chal gaya mujhe"