ham tiri talkh guftugu sun kar — Nusrat Gwaliari

"bolte rahte hain nuqush us ke phir bhi vo shakhs kam-sukhan hai bahut"

"bhuul jaane ka mujhe mashvara dene vaale yaad khud ko bhi na main aa.uun kuchh aisa kar de"

"vo andhi raah men bina.iyan bichhata raha badan pe zakhm liye aur labon pe diin liye"

"milna paDta hai hamen khud se bhi ghairon ki tarah us ne mahaul hi kuchh aisa bana rakkha hai"

"dilon ke biich ki divar gir bhi sakti thi kisi ne kaam liya hi nahin tadabbur se"

"kuchh ehtiyat parinde bhi rakhna bhuul ga.e kuchh intiqam bhi andhi ne badtarin liye"