kitne shorida-sar mohabbat men — Qabil Ajmeri

"gham-e-jahan ke taqaze shadid hain varna junun-e-kucha-e-dildar ham bhi rakhte hain"

"khud tumhen chak-e-gareban ka shu.ur aa ja.ega tum vahan tak aa to jaao ham jahan tak aa ga.e"

"tum ko bhi shayad hamari justuju karni paDe ham tumhari justuju men ab yahan tak aa ga.e"

"ye gardish-e-zamana hamen kya miTa.egi ham hain tavaf-e-kucha-e-janan kiye hue"

"abhi to tanqid ho rahi hai mire mazaq-e-junun pe lekin tumhari zulfon ki barhami ka saval aaya to kya karoge"

"kuchh der kisi zulf ke saa.e men Thahar jaa.en 'qabil' gham-e-dauran ki abhi dhuup kaDi hai"