chiTiyan chalne lagi hain piiTh men — Renu Nayyar

kisi bhi hashr se mahrum hi raha vo bhi
miri tarah ka jo kirdar tha kahani men

— Renu Nayyar

ab zaban tak aa ga.iin hai talkhiyan
ab hamen fauran nikalna chahiye

— Renu Nayyar

abhi manzar badalte hi badal ja.enge sab chehre
bichhaDte vaqt ka gham hai abhi tu nam na kar ankhen

— Renu Nayyar

dil ki baazi aisi baazi hai jis men ham
haren bhi to jiit mana.i ja sakti hai

— Renu Nayyar

khuda se use maang kar dekhte hain
phir apni dua ka asar dekhte hain

— Renu Nayyar

tiri nazron se guzri rahguzar bhi
hazaron manzilon ka rasta hai

— Renu Nayyar