jab bhi kashti bhanvar men aa.i hai — Sandeep Gupte

"main tumhare shahr ki tahzib se vaqif na tha pattharon se ki nahin thi guftugu pahle kabhi"

"tu kahan rahti hai puchha tha kisi ne ek din main ghamon ke saath rahti huun khushi kahne lagi"

"ghazal men jab talak ehsas ki shiddat na ho shamil faqat alfaz ki karigari mahsus hoti hai"

"koi bhi shakhs duniya men tumhen chhoTa nazar na aa.e tum apne sochne ka da.era itna baDa kar lo"

"dulhan ki mehndi jaisi hai urdu zaban ki shakl khushbu bikherta hai ibarat ka harf harf"

"hamen qubul nahin chhoTa munh baDi baten misal bante hain aur phir misal dete hain"