shayad isi ka naam mohabbat hai 'shefta' — Shefta Mustafa Khan

"ham talib-e-shohrat hain hamen nang se kya kaam badnam agar honge to kya naam na hoga"

"itni na baDha paki-e-daman ki hikayat daman ko zara dekh zara band-e-qaba dekh"

"iz.har-e-ishq us se na karna tha 'shefta' ye kya kiya ki dost ko dushman bana diya"

"fasane yuun to mohabbat ke sach hain par kuchh kuchh baDha bhi dete hain ham zeb-e-dastan ke liye"

"hazar daam se nikla huun ek jumbish men jise ghurur ho aa.e kare shikar mujhe"

"shab vasl ki bhi chain se kyunkar basar karen jab yuun nigahbani murgh-e-sahar karen"