nigah-e-lutf men hai uqda-kusha.i muzmar — Sher Singh Naaz Dehlvi

"baton men DhunDte hain vo pahlu malal ka matlab ye hai ki zikr na aa.e visal ka"

"chuum kar aaya hai ye dast-e-hina.i aap ka kyuun na rakkhun main kaleje se laga kar tiir ko"

"abla-pa.i hamari rang laa.i dasht men khar-e-sahra tishna-e-khun ho ke nashtar ho ga.e"

"ro diye fariyad par meri butan-e-sang-dil mere nalon se pighal kar mom patthar ho ga.e"

"ik bahana chahiye un ko bigaDne ke liye main ne zulfon ki bala.en liin mire sar ho ga.e"

"bal paDe chitvan pe abru tan ke khanjar ho ga.e zikr-e-vasl aate hi vo jaame se bahar ho ga.e"