bujhin sham.en to dil jala.e hain — Syed Ehtisham Husain

"dil ne chupke se kaha koshish-e-nakam ke baad zahr hi dard-e-mohabbat ki dava ho jaise"

"na jaane haar hai ya jiit kya hai ghamon par muskurana aa gaya hai"

"manzil na mili to gham nahin hai apne ko to kho ke pa gaya huun"

"tera hi ho ke jo rah ja.un to phir kya hoga ai junun aur hain duniya men bahut kaam mujhe"

"yuun guzarta hai tiri yaad ki vaadi men khayal kharzaron men koi barhana-pa ho jaise"

"main samajhta huun mujhe daulat-e-kaunain mili kaun kahta hai ki vo kar ga.e badnam mujhe"