samajh le naam teraa hi likhaa hai daane daane par — Ghaus Khah Makhah Hyderabadi

tere viraan shab-o-roz bhi rangin honge
bas kisi tarah hasinon se shanaasaai kar

— Ghaus Khah Makhah Hyderabadi

chheDti hain kabhi lab ko kabhi rukhsaaron ko
tum ne zulfon ko bahut sar pe chaDhaa rakkhaa hai

— Ghaus Khah Makhah Hyderabadi

pareshaani se sar ke baal tak sab jhaD gae lekin
puraani jeb mein kanghi jo pahle thi so ab bhi hai

— Ghaus Khah Makhah Hyderabadi

zamaane kaa chalan kyaa puchhte ho 'khvaah-makhvaah' mujh se
vahi raftaar be-Dhangi jo pahle thi so ab bhi hai

— Ghaus Khah Makhah Hyderabadi

uDaa kar dekh le koi patangein apni shekhi ki
bulandi par agar hon bhi to kanne kaaT saktaa huun

— Ghaus Khah Makhah Hyderabadi

kisi ki Dhal gai kaisi javaani dekhte jaao
jo thiin begam vo hain bachchon ki naani dekhte jaao

— Ghaus Khah Makhah Hyderabadi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

maango samundaron se na saahil ki bhiik tum
haan fikr o fan ke vaaste gahraai maang lo

— Hasan Najmi Sikandarpuri

bagulaa jin ke sar par chatr-e-shaahi hai zamin masnad
vahi aqlim-e-gham mein aah ki naubat bajaate hain

— Siraj Aurangabadi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

us ke rukhsaar pe hai aur tire honT pe til
tilmilaane ki ijaazat nahin di jaaegi

— Inayat Ali Khan